Saterdagnamiddag het 'n paar van ons jongmense en twee of drie ouer mense die hitte aangedurf om bietjie op 'n naby eiland te gaan kuier.
Groot opgewondenheid toe ons so onder die direkte son uit wegtrek.
Ons "skipper" Leon wat sy boot en tyd aangebied het!
Ons uitspanplek vir die middag, op Lulu eiland net 'n klipgooi van die dorp.
Onmiddelik is 'n paar op die boot saam met Leon uit om te gaan ski. Op hierdie stadium is regop ski-foto's skaars - net Jet kon bo die water bly. Die ander sal hulle self miskien aan die water herken? :-)
Die res het in die see rondgehang en bal gespeel totdat .....
'n Pienk gecko die dag probeer oorneem het. As julle dink so 'n opblaas gecko kan 'n kleuter besig hou, het julle nog nie gesien wat dit met jong volwassenes kan doen nie.
Die eerste een wat hom/haar aangedurf het was Elriza. Sy is 'n paar keer omgedop totdat haar maatjies haar met raad en daad bygestaan het sodat sy uiteindelik op sy rug kon bly.
Jana het toe ook probeer en sy was sommer 'n paar keer omgedop. Uiteindelik het die vlakwater bietjie gehelp.
Wilmien het met groot selfvertroue die gecko aan sy poot gevat en op sy rug geklim asof dit 'n perd was ..... en heerlik gele en float. Ons het selfs vir Corne met die pienk gecko gevang.
Water en koeldrank ruskanse was daar baie in die hitte.
Die enigste twee tieners in die dorp het ook kom saamkuier en ook hulle beurt op die pienk gedierte gehad. Mens kan sien hoe mooi Elriza hulle verduidelik waar om vas te hou
. 
Die glimlaggies vertel dat hulle dit geniet het en daar is kopstukke gesels en beplan aan die nuwe jaar se uitstappies.
Maar nog ouens het intussen die ski probeer aandurf en meeste van die tyd kon daar mooi aksiefoto's van die punte van die ski's geneem word.
Hulle verdien beslis punte vir die probeer en selfs Hermien het die ski's amper regop kon ry.
Die wenner van die tweede uitvaar se ski, Janus is baie in sy skik - 'n klein Titanic.
Van die passasiers wat alles dophou.
Lyk asof Corne sukkel om net die ski's bymekaar te hou voordat hy hulle selfs aangetrek het. Hermien lyk baie in haar skik met haar poging.
Nadat die boot al kom vasmeer het, kom die tweetjies aangestap - ek wil graag weet hoekom julle nie op die boot was nie? :-)
Intussen het die manne die braaivure aangekry en is daar lekker gebraai en geeet.
Met die son wat sak moet die pienk gedierte afgeblaas word en alhoewel Elriza hard probeer moes Jana ook later kom hand by sit.
VIr oulaas 'n lekker koeldrank.
Dan is dit oppak en inpak tyd.
Die klomp lekker moeg en nee dis nie Ewert se tong wat uithang nie.
Einde van 'n heerlike uitstappie en ons maak gou weer so.
